ANM मुळे BMC कर्मचा-यांचे वेतन थांबणार – महत्वाचा निर्णय

विविध विभाग व खात्यांमध्ये कार्यरत असलेल्या कर्मचा-यांसाठी मोठा निर्णय घेण्यात आला आहे. आता एखाद्या कर्मचा-याच्या खात्यात जास्त ANM (Absence Not Maintained) नोंदी शिल्लक असतील, तर त्याचे वेतन रोखून ठेवले जाईल.

ANM म्हणजे काय?

ANM म्हणजे – Absence Not Maintained (अनुपस्थिती नोंदलेली नाही).
ही स्थिती खालीलप्रमाणे उद्भवते –

बायोमेट्रिक मशिनमध्ये उपस्थिती नोंदली नसल्यास.

रजेचा अर्ज वेळेवर सादर न झाल्यास.

तांत्रिक कारणास्तव / बाहय कर्तव्य (OD) / निवडणूक ड्युटीमुळे हजेरी नोंदली न गेल्यास, आणि ती वेळेत मंजूर न केल्यास.

रजा व उपस्थिती संदर्भातील नियम

रजेचा अर्ज –
कर्मचा-याने अनुपस्थित राहिल्यास पुढील महिन्याच्या १३ तारखेपर्यंत रजेचा अर्ज सादर करून मंजूर करून घेणे आवश्यक आहे. जर ते नाही झाले तर ANM होतात.

तांत्रिक किंवा बाह्य कारणास्तव उपस्थिती नोंदली नसल्यास –

संबंधित अधिकाऱ्यांनी ७ दिवसांत मॅन्युअल Attendance / OD / Election Duty ची नोंद करणे आवश्यक आहे. ही नोंद देखील पुढील महिन्याच्या १३ तारखेपर्यंत मंजूर करणे बंधनकारक.

नियमांचे पालन न झाल्यास –

प्रणालीमध्ये आपोआप ANM नोंद होईल. ANM वाढल्यास वेतन थांबविले जाईल.

हा निर्णय का घेतला गेला?

सध्या सुमारे १४ लाख ANM नोंदी प्रलंबित आहेत. अनेक कर्मचा-यांच्या सेवानिवृत्ती लाभांवर ANM प्रलंबित असल्याने अडथळे निर्माण होत आहेत. काही प्रकरणांमध्ये कर्मचारी दीर्घकाळ अनुपस्थित राहूनही वेतन घेत असल्याचे दिसून आले आहे. यामुळे प्रशासनावर आर्थिक शिस्तभंग (Financial Indiscipline) झाल्याचा आरोप होतो.

नवीन आदेश : नोव्हेंबर २०२५ पासून अंमलात

जर कोणत्याही कर्मचा-याच्या खात्यात ४६ पेक्षा जास्त ANM शिल्लक असतील, तर त्याचे वेतन थांबवले जाईल. हा नियम नोव्हेंबर २०२५ च्या वेतनापासून (१ डिसेंबर २०२५ रोजी देय) लागू होईल. नंतर ANM ची संख्या मर्यादेपेक्षा कमी झाल्यास, त्या महिन्यात थकीत वेतनासह पगार दिला जाईल.

जबाबदारी कोणाची असेल?

कर्मचारी – वेळेत रजा अर्ज सादर करणे. प्रतिवेदन अधिकारी / पुनर्विलोकन अधिकारी / आस्थापना प्रमुख – नियमानुसार रजा व उपस्थिती मंजूर करणे. विभाग प्रमुख / उप आयुक्त – आपल्या अधिनस्त कर्मचा-यांच्या ANM ची आढावा घेणे. जर ANM जास्त असल्यामुळे वेतन थांबले, तर त्याची जबाबदारी केवळ कर्मचा-यावर नव्हे तर संबंधित अधिकाऱ्यावरही टाकली जाईल.

निष्कर्ष

BMC ने स्पष्ट केले आहे की उपस्थिती आणि अनुपस्थिती व्यवस्थापनात आता कुठलीही शिथिलता चालणार नाही. वेळेवर उपस्थिती नोंदवणे, रजा अर्ज व त्याचा निर्णय, तसेच अधिकाऱ्यांनी नियमांचे पालन करणे – या गोष्टी थेट कर्मचा-यांच्या वेतनाशी जोडल्या गेल्या आहेत. त्यामुळे आता प्रत्येकाने दक्षता घेतली पाहिजे, अन्यथा पगार थांबू शकतो.

N D Yadav

माझं नाव एन. डी. यादव आहे. मला लेखन क्षेत्रात ६ वर्षांचा अनुभव आहे. माझ्या लेखन प्रवासात मी सरकारी धोरणे, कर्मचारी व निवृत्तीवेतनधारकांचे हक्क, पेन्शन योजना तसेच जनकल्याणकारी योजना याबाबतची माहिती तुम्हांपर्यंत सोप्या आणि स्पष्ट भाषेत पोहोचवण्याचे कार्य केले आहे.

माझ्या लेखांचा उद्देश लोकांना अचूक, योग्य आणि विश्वासार्ह माहिती उपलब्ध करून देणे हा आहे. मी नेहमी प्रयत्न करतो की माझ्या लेखनातील भाषा साधी-सोप्या स्वरूपाची असावी, माहिती उपयोगी असावी आणि वाचकांना कोणत्याही विषयाचे आकलन करण्यात अडचण येऊ नये.